"Ата-аналардың буллинг, кибербуллинг, аутодеструктивті мінез-құлықтың алдын-алу бойынша сауаттылығын арттыру" тақырыбында шебер сынып

"МЖШО бар Қызылтоған орта мектебі" КММ-де 2024 жылдың 8 ақпан күні әр сыныптың ата-ана комитетінің төрайымдарымен "Ата-аналардың буллинг, кибербуллинг, аутодеструктивті мінез-құлықтың алдын-алу бойынша сауаттылығын арттыру" тақырыбында шебер сынып ұйымдастырылды.

Мақсаты: ата-аналарға буллинг, кибербуллинг туралы ақпарат бере отырып, баланы буллинг, кибербуллингтен қорғау.

Барысында мектеп психологы Р.Орынбасарова ата-аналармен «Бес қадам» әдісі арқылы психологиялық ахуал қалыптастырды.

Шебер сыныпты кіріспе сөзбен бастаған ДТІЖО А.Шаекенова ата-аналарға қазіргі кездегі белең алып отырған өзекті мәселенің бірі буллинг, кибербуллинг екенін, жасөспірімдер арасындағы психикалық денсаулықтың, репредуктивті, ментальді денсаулықтың бұзылуының алдын алу бойынша ата-аналарға түсіндіріп өтті. Ақпарат барысында үнемі адам өлтіру, қан-төгіс орын алатын, атыс-шабыстарға толы адамды қатыгездік пен аяусыздыққа жетелейтін ойындар мен бейнежазбаларды балаларға көрсетпеу керектігін айтты.

5-сынып жетекшісі Н.Алиева ата-аналарға буллинг, кибербуллинг туралы түсіндірме жұмысын жүргізді.

Ата-аналармен «Мен өмірді сүйемін» тақырыбында диалогтық алаң ұйымдастырылды. Ата-аналар осы тақырып негізінде сурет салып, өз ойларымен бөлісті.

Қорытынды сөзді мектептің ата-аналар комитетінің төрайымы Р.Орынбаева алып, балалардың телефоннан, компьютерден қарайтын ойындарын үнемі бақылауға алып, шектеу жасаудың маңыздылығына тоқталды. Балалардың болашағы үшін ата-аналардың ролі зор екеніне баса айтты.