«Діни экстремизм және терроризм» онкүндігі
15 қаңтар күні «Діни экстремизм және терроризмнің» алдын алу мақсатында өткізілетін он күндік жоспарға сәйкес директордың тәрбие ісі жөніндегі орынбасары А.Шаекенова 7-11 сынып оқушыларын «Терроризмге қарсы күрес туралы» Заңымен таныстырды.
Директордың тәрбие ісі жөніндегі орынбасары А.Шаекенова «Терроризмге қарсы күрес туралы» Қазақстан Республикасының 1999 жылғы 13 шілдедегі Заңы Қазақстан Республикасында терроризмге қарсы күрестің құқықтық және ұйымдастырушылық негіздерін, мемлекеттік органдардың және меншік нысандарына қарамастан ұйымдардың қызмет тәртібін, сондай-ақ азаматтардың терроризмге қарсы күресті жүзеге асыруға байланысты құқықтарын, міндеттері мен кепілдіктерін белгілейтіндігін атап өтті. Терроризмге қарсы күрестің бірден-бір жолы – олар туралы өз уақытында шынайы мәлімет беру, сондай-ақ бұл жерде, әрине, күнделікті ақпарат құралдарының рөлі өте жоғары екеніне де тоқталып кетті. Оқушылар өздерінің сұрақтарын қойып, бір-бірімен пікір алмасты.